RSS

Category Archives: գրականագիտություն

«Մեջբերումների խճանկար». ինչ բան է ինտերտեքստուալությունը, և դա ինչպես է օգնում մեկնաբանելու տեքստերը

Տորմակավանք

Տորմակավանք

Մենք ապրում ենք տեքստերի տարածության մեջ՝ ավանդական գեղարվեստականից մինչև քաղաքագետների ասույթներ կամ հաղորդագրություններ, որ տեղավորված են ցանկացած մեդիանյութի մեջ (երաժշտություն, տեսանյութ, ֆիլմ)։ Ընդ որում լեզվաբանությունը վաղուց է գործ բռնում տեքստերի հետ և մշակում է դրանց վերլուծության տարբեր մեթոդներ։ Ելենա Դավիդովայի հետ պարզենք, թե ինչ մոտեցումներ կան գեղարվեստական տեքստ վերլուծելու համար, ինչ բան է տեքստի ինտերտեքստայնությունը և երկխոսայնությունը, ինչու է մեր ցանկացած խոսք ելնում ուրիշի խոսքից, և ինչպես է սա հասկանալը օգնում վերլուծել տեքստերը, որոնցով շրջապատված ենք։ Read the rest of this entry »

 

Պիտակներ՝ , , ,

Աբբաս Քիառոսթամի

iphone360_79263

Աբբաս Քիառոսթամի

Ներեցեք և մոռացեք
Մեղքերս,
Բայց ոչ այնպես,
Որ դրանք լրիվ մոռացության մատնեմ… Read the rest of this entry »

 

Պիտակներ՝ ,

Կարծես թե դարձել եմ ես տուն. Վահան Տերյան

Կարծես թե դարձել եմ ես տուն,
Բոլորն առաջվանն է կրկին.
Նորից դու հին տեղը նստում,
Շարժում ես իլիկը մեր հին, Read the rest of this entry »

 

Պիտակներ՝

Սիդհարթա/ Օմ

om-sacralՀերման Հեսսե

Նախորդ հատվածը

Երկար ժամանակ վերքը չէր լավանում։ Հաճախ էր պատահում, որ Սիդհարթան իրենց որդիների ու դուստրերի հետ ճամփորդողների էր գետն անցկացնում և չէր կարողանում առանց նախանձի նայել նրանց։ Ամեն անգամ մտածում էր. «Որքան շատ են, որքան բազմահազար են նրանք, ում տրված է այդ մեծագույն երջանկությունը։ Ինչո՞ւ է ինձ մերժված։ Նույնիսկ չար մարդիկ, նույնիսկ գողերն ու ավազակները երեխաներ ունեն, սիրում են նրանց ու սիրված են նրանցից, իսկ ես՝ ոչ»։ Այսպես պարզ, այսպես միամիտ մտքերով էր նա հիմա տարված, այսքան նմանվել էր մանուկ-մարդկանց։ Read the rest of this entry »

 

Պիտակներ՝ , , ,

Սիդհարթա/ Որդին

images-4Հերման Հեսսե

Նախորդ հատվածը

Տղան ահով ու արցունքների միջից մոր հուղարկավորությունն էր դիտում։ Մռայլ, մարդկանցից խուսափելով ՝ լսում էր Սիդհարթային, որ իրեն որդի էր անվանում, ասում էր, որ հիմա արդեն պիտի ապրի իրենց հետ Վասուդևայի հյուղակում։ Տղան օրերով նստում էր մոր գերեզմանի մոտ, գունատվել էր, ոչինչ չէր ուտում։ Քարացել էին նրա թե՛ հայացքը, թե՛ սիրտը։ Նա պայքարում էր, ըմբոստանում էր ճակատագրի դեմ։ Սիդհարթան պաշտպանում էր տղային. հասկանում էր նրա թախիծի պատճառը։ Սիդհարթան հասկանում էր, որ որդին չի ճանաչում ու չի կարող սիրել իրեն՝ որպես հոր։ Նա աստիճանաբար հասկացավ և այն, որ տասնմեկամյա տղան երես տված, փափկակենցաղ բալիկ է՝ մեծացած հարստությանն մեջ, նրբահամ սննդին, փափուկ անկողնուն սովոր, ծառաներին հրամայելու վարժված։ Սիդհաթան հասկանում էր, որ ձանձրացող ու կամակոր երեխան ոչ անմիջապես, ոչ էլ հաճույքով կհամաձայնի օտար ու աղքատ կյանքին։ Նա չէր պարտադրում տղային, խնայում էր, ընտրում էր նրա համար լավագույն պատառները։ Հույս ուներ, որ աստիճանաբար, բարեկամությամբ ու համբերությամբ կգրավի նրա հոգին։ Read the rest of this entry »

 

Պիտակներ՝ , ,

Սիդհարթա/ Սանսարա

herman-hesse

Հերման Հեսսե

Հերման Հեսսե

Նախորդ հատվածը

Սանսարա[1]

Սիդհարթան երկար ապրեց հաճույքներով, ապրեց աշխարհիկ կյանքով՝ չպատկանելով դրան։ Ճգնակեցության դաժան տարիներով սպանված զգացմունքները նորից արթնանում էին։ Նա ճաշակեց հարստությունը, հաճույքը, ճաշակեց իշխանությունը, բայց այնուամենայնիվ, հոգու խորքում սաման մնաց, և Կամալան՝ իմաստուն Կամալան դա զգում էր։ Մտածելու, սպասելու և ծոմապահության արվեստը նրա կյանքի հիմքն էին կազմում դեռևս, աշխարհի մարդիկ, մանուկ-մարդիկ դեռևս նրան օտար էին մնում այնպես, ինչպես ինքն էր օտար նրանց։ Իսկ տարիներն անցնում էին։ Վայելքներով շրջապատված՝ Սիդհարթան հազիվ էր նշմարում, թե ինչպես են դրանք սահում։ Նա հարստացել էր, վաղուց արդեն սեփական տուն ուներ ու սպասավորներ և քաղաքից դուրս՝ գետի ափին, սեփական այգին։ Մարդիկ նրան սիրում էին։ Գալիս էին, երբ փողի կամ խորհրդի կարիք ունեին, բայց նրան ոչ ոք մտերիմ չէր, բացի Կամալայից։ Read the rest of this entry »

 

Պիտակներ՝ , , ,

Սիդհարթա/ Մանուկ- մարդիկ

herman-hesse

Հերման Հեսսե

Հերման Հեսսե

Նախորդ հատվածը

Սիդհարթան գնաց Կամասվամիի՝ վաճառականի մոտ։ Նրան մատնացույց արին մի շքեղ տուն, սպասավորները նրան թանկարժեք գորգերի վրայով ուղեկցեցին դեպի սրահը, որտեղ նա պիտի սպասեր տանտիրոջը, ու հեռացան։ Նա սպասում էր։ Կամասվամին ներս եկավ՝ մի թիկնեղ, եռանդուն տղամարդ՝ մազերը խիստ ճերմակած, շատ խելացի ու զգուշավոր հայացքով, զգայուն բերանով։ Բարեկամաբար իրար ողջունեցին տանտերն ու հյուրը։
— Ինձ քո մասին պատմել են,- սկսեց վաճառականը,- որ դու բրահման ես, ամենագետ, բայց աշխատանք ես փնտրում վաճառականի մոտ։ Դու կարիքի մե՞ջ ես, բրահման, որ ծառայություն ես փնտրում։ Read the rest of this entry »

 

Պիտակներ՝ , ,

Սիդհարթա/Կամալա

herman-hesse

Հերման Հեսսե

Հերման Հեսսե 

ՄԱՍ II
Նվիրվում է Ճապոնիայում ապրող զարմիկիս՝ Վիլհելմ Գունդերտին


Նախորդ հատվածը

Ճանապարին ամեն քայլը Սիդհարթային հանգեցնում էր նոր բացահայտման, քանի որ աշխահը նրա աչքում կերպարանափոխվում էր, և սիրտը կախարդված էր։ Նա տեսնում էր՝ ինչպես է արևը ծագում լեռների անտառածածկ լանջերին, ինչպես է մայր մտնում հեռավոր ափի արմավելու հետևում։ Գիշերները տեսնում էր՝ ինչպես են երկնքում շարվում աստղերը, և կապույտում նավակի պես լողում է լուսնի մանգաղը։ Read the rest of this entry »

 

Պիտակներ՝ , ,

Սիդհարթա/ Զարթոնք

herman-hesse

Հերման Հեսսե

Նախորդ հատվածը

Հերման Հեսսե

Երբ Սիդհարթան լքում էր այգին, ուր մնաց Բուդդան՝ Կատարյալը, և ուր մնաց Գովինդան, այնպիսի զգացում ուներ, ասես այդ այգում էր մնում ու անջատվում էր իրենից իր ամբողջ անցյալ կյանքը։ Նա դանդաղ հեռանում էր՝ ընկղմվելով այդ զգացողության մեջ, լցվելով այդ զգացումով։  Խորն էր ընկղմվում, ինչպես ջրի խորության մեջ, մինչև ամենահատակը, մինչև թաքուն պատճառների ամենաներքին շերտերը, քանի որ պատճառները ճանաչելը, ինչպես կարծում էր, հենց մտածելն է։ Չէ՞ որ հենց այդ ճանապարհին են զգացողությունները վերածվում Ճանաչողության և չեն կորչում, այլ դառնում են նշանակալից, սկսում են թափանցիկ դառնալ և ի ցույց հանել այն, ինչ պարունակում են։  Read the rest of this entry »

 

Պիտակներ՝ , , , ,

Սիդհարթա/ Գոթամա

herman-hesse

Հերման Հեսսե

Նախորդ հատվածը

Հերման Հեսսե

Սավաթհի քաղաքից ոչ հեռու տարածվում է Ջետավանի[1] այգին, որ հարուստ վաճառական Անադհապինդիկան` վսեմափայլ Բուդդայի հավատարիմ հետևորդն է նրան ու նրա աշակերտներին նվիրել։ Սավաթհիում ամեն երեխա էլ գիտեր վսեմափայլ Բուդդայի անունը, և ամեն տուն մի բան ուներ՝ լցնելու Գոթամայի անբարբառ մուրացող աշակերների աղքատիկ թասը։ Read the rest of this entry »

 

Պիտակներ՝ , ,