Սփյուռքահայ պոեզիա (նախագիծ)
10-11-րդ դասարանների համար
Նախագծի նպատակը
- Սփյուռքահայության գրական գործունեության ճանաչում, սփյուռքահայ և արևմտահայ գրականությունների ( նաև լեզվի) տարբերությունների հետազոտում։
- Սփյուռքահայ հեղինակների փնջին ծանոթացում և տարածում
Հմտություններ, որ պիտի մշակվեն նախագծի շրջանակներում
Գրականությունից
- Լեզվական խոչընդոտի հաղթահարում
- Մտածողության համադրումը արևելահայ արդեն ծանոթ հեղինակների մտածողությանը
- Պոեզիայի ընկալման հմտություններ՝ ասոցիատիվ և պատկերավոր ընկալումներ։
Խոսքի մշակույթից
- կարդացածի մասին գրախոսելու, ասածը փաստարկելու հմտություն
- պատրաստած պրեզենտացիաների կամ վիդեոների բանավոր ներկայացման հմտություն
- չափածո ստեղծագործություններն անգիր հիշելու և ներկայացնելու հմտություն։
Ճամփորդություն
- Արևմտյան Հայաստան (հայրենազրկվածության արտահայտությունը, հայոց հետքերը ներկայիս Թուրքիայում) Ընթացքում համակցված դաս՝ գրականություն+արվեստ (ճարտարապետություն)+պատմություն+քաղաքագիտություն
- Արևելյան Հայաստանի՝ Թուրքիային հարող մասի տաճարների այցելություն՝ համեմատության նպատակով (Երերույք, Վահրամաբերդ, Մարմաշեն)
Հեղինակների ընտրությունը՝ սփյուռքահայ (հայերեն գրող) 4-5 հեղինակ՝ ընրությունը՝ ըստ դասարանի ակադեմիական հնարավորությունների։ Հաշվի է առնվում նաև աշխարհագրությունը։
Վերջնարդյունքը
Ուսումնասիրած հեղինակների մասին ուսումնական օգտագործելի նյութեր
Գնահատումը՝ սեփական էսսեների և հեղինակների մասին եղած գրականության հավաքում մեկ ուսումնական նյութի մեջ (վիդեո կամ պրեզենտացիա) խմբային աշխատանքի գնահատում։ Կարևորվում է առավել լայն տեղեկության հավաքումը, սեփական մտքերի շարադրանքի որակը և քանակը (քանի բանաստեղծություն է վերլուծված, արդյոք խմբի բոլոր անդամներն են վերլուծություն կատարել)։ Նաև հեղինակի բտեղծագործություններից բանավոր՝ անգիր ներկայացնելը։
Հասմիկ Ղազարյան 